ليه كدة؟؟؟مين اللى يستاهل تعملي في نفسك كدة؟؟؟

اختى في الله يا اللي اخاف عليكِ مثل اخوتي

* * * *

تعالي معايا كدة و بصي في المرايا!!!!!! ايه ده؟؟؟مين دى؟؟؟؟
مين الشاحبة دى؟؟؟؟ ابتسامتك راحت فين؟؟؟
ايه ده خطوط تجاعيد تحت عنيكي شيخوخة مبكرة دى ولا اية

ده كله عشان ايه؟؟؟

الموضوع موجه لكل فتاة عامة .....و كل فتاة شغالة في جمعيات واعمال خيرية و غيرها ...

حنتكلم بصراحة ومش حندفن راسنا في الرمل و نرفض حتى مجرد التفكير في الموضوع لانه بيكشفنا قدام نفسنا و بيورينا الحقيقة اللى بنحاول نتجاهلها.....انا كنت في قلب العمل الخيري و الجمعيات يوما ما و شوفت و سمعت اللي بيحصل وعارفه بقول ايه.....

ما جعلنى اكتب هذا الموضوع انى قرأت مشكلة في بريد الجمعة لفتاة انعم الله عليها وتابت من علاقة حب وكانت بتقول كلام زى اللى المكتوب ده مع ادخال شوية تغييرات واقتبست منها الالفاظ و الجمل ,قلبها لما نور طلع كلام جميل هيا نسمعه سوا..وجزاها الله عنا كل خير

انا بكلم كل فتاة عن (((((((الحب البرئ))))))زى ما يسمي هذه الايام

اطلعي فوق تانى دلوقتى و بصي في المرايا تانى

مين دى؟؟؟؟
ده كله عشان اية؟؟؟

هل يستحق الامر ان تضيعي من اجله؟؟؟؟ ليه يا غاليتي يا حبيبة قلبي تدفني نفسك في علاقة مهددة دائما بنسب نجاح معدومة او بفضيحة محتومة او بقلوب مكسورة؟؟

ناقصك اية عن غيرك عشان ما تعشيش علاقة طبيعية شرعية امام الناس....ما تخافيش من حد ...مافيش جواكي الاحساس المؤلم ده بالضيق اللى في الغالب مش عارفه سببه اية؟؟....

ليه ما تعشيش علاقة طبيعية شرعية ربك راضي عنك فيها بالزواج الشرعي و الخطوبة الشرعية؟؟؟

مين ده اللى يستحق منك التضحية بأوامر ربك جل وعلا.....بدينك......برسولك و اوامره......باحترامك لنفسك....عشانه؟؟؟

اهو الحب!!!!

وهل تضمنى ان الحب يفضل في قلوبكم و هي طلع منها كل شئ جميل!!.....انتهي منه صفاؤه ...براءته المحببة....واهم حاجة (((ضميره الحي))))...

هل يستحق ان تخوني اهلك عشانه وتخدعيهم؟؟؟ هل يستحق نظرات الذل و الانكسار في عيونهم اذا اكتشفوا الامر؟؟؟ياااااااه هانوا عليكي للدرجاتي مهما كانوا بيعملوا ايه وحش معاكي...هانوا عليكي

حتى لو كانوا عارفين بالموضوع فهم مجبرون لانك نقطة ضعفهم....حبهم ليكِ طغي على كسرة قلبهم عليكِ...فاكرين انهم بكدة بيسعدوكي مدام شايفينك سعيدة ظاهريا..لكن الفطرة بتقول ان كل اب وام بيتمنوا ان تعيش بنتهم...قطعة فؤادهم المتحركة....حياة زوجية طبيعية شرعية يفخرون بها امام الكل بابنتهم العفيفة.

يمنعك و ينقصك ايه انك تحبي حب في النور , حب ما تشعريش فيه بالتأنيب كل شوية...حب تواجهين به الناس بفخر....حب يرضي ربك عنكي بالحلال؟؟؟

حتقوليلي ازاى؟؟؟و التعفف صعب و الحب الحلال بالزواج اصعب؟؟

حقـــــــــــــــــــولك الصبر جميل و حسن الظن بالله اجمـــــــــــــــــل!!

من قالك ان اللى اتجوزوا كدة سعداء ...ظاهريا ممكن اه...لكن اسرار البيوت لا يعلمها الا الله...ماحدش بيحب يبان ناقصه حاجة قدام الناس ....لكن من جوه.....يا ترى في اية؟؟

وكلما زاد الصبر وانتظار الفرج كلما غلا المنتظر عندك وكلما حافظتي عليه اكتر....كل ما حتغلي في نظر زوجك عشان انتى غاليه مش سهل حد يوصل لقلبك من غير مفتاح والمفتاح ده هو الزواااااج الشرعي ... لا صحوبية ولا عرفي ولا غيره...دول مفاتيحهم مصدية

بس بس اوقفي

ما تسمعيش اللى بتقولهولك نفسك دلوقتى بانك مش حتلاقي احسن منه مهما جالك عرسان؟؟؟

حقولك انتى لاقيتي الحب مرة لكن من قالك ان هو ده الحب ؟؟؟مش يمكن ده وهم وفي حب من نوع تانى خالص نوع حتلاقيه باذن الله ولكــــــــــــــــــن في طاعة الله في زواجك الشرعي ...في بيتك الدافئ..مع زوجك اللى انتى عنده زى اللؤلؤة المضيئة...حتحسي بالحب اللى بجد..فالله الرزاق سيعطيكي فوق ما تتخيلين من العطايا و الهبات...

انتى مش معايا انك حاسة امورك متعقدة و المشاكل في الموضوع كتيرة؟؟؟او في حياتك عموما؟؟طب اذا كانت دلوقتى كتيرة فما بالك بعد زواجك منه؟؟؟ ليه يا بنتى تتحملي العناء ده كله؟؟؟
.
.
.
.
.
.
.
يلا يلا ازيحي الحمل عن ظهرك واستعيدي شبابك وجمالك...
ابعدي عن أي مكان ممكن يفتنك و يسببلك الهم مش البركة زى مانتى فاكرة..
هل ينفع امشي في طريق خير يجبلي شر و فتنة؟؟؟؟ ..هل ينفع اكون عايزة اشتغل و اساعد و اطيع ربنا في مكان بيسببلي غضب ربنا مش رضاه؟؟؟طب انا عايزة اية..عايزة رضا ربنا ..طب الله بيغضب من وجودي في مكان معين هل اروحه انا واقول عايزة رضا ربنا ...هو بمزاجي ولا فرد دراع يعنى...لازم اعبد ربنا بما شرع سبحانه...

ازيحي الهم عن وجهك والحمل عن ظهرك..مافيش حاجة اسمها حب برئ مدام بيغضب ربنا...مجرد ماسج...مجرد ايميل ...مجرد مكالمة...مجرد نظرة خطف كدة مش حبحلق يعنى....مجرد خروجه...مجرد وقفة في ركن المكان بنتكلم كلام عام والناس كلها معانا في المكان...مجرد اطمئنان.. بينكم.....مجموعة مجردات بتجردك حبيبتى من غير ما تشعري من نفسك.....من حياءك....من قيمتك الغالية عندنا كلنا

وفي النهاية بصي في المرايا تانى ...الهم اللى في وجهك ده كله ليه؟؟؟انتى كنتى كدة قبل ما تعرفيه؟؟

استعيدي عافيتك يا غالية

استعيدي رضـــــــــــــــــــا ربك

[size=21]عدنـــــــــــــــــــــــــــــــا : )

طبعا دلوقتى توهتي و بتسألى طب ما الذي يحكم حبي للاخرين اذا كان يقربني لربنا ولا يبعدنى عنه

حقولك شوفى في عندك ضابط للموضوع ده..الضابط ده كما قال العلماء هو:

ضابط المحبة لاي حد: كلما ازداد من تحبه في الله قربا لله تزداد محبتك له فاذا خالف الله ابغضته فيه.

[size=16]ياتري علاقتك ضعيها على الضابط ده, حيتظبط؟؟؟؟بتقربي لربنا ولا بتبعدي....ولا الشيطان مفهمك انك بتزدادي تدينا مع وجود العلاقة دى لـــــــــــــــكن لو دققتى شوية مع نفسك وتجيبي ورقة وقلم وتكتبي حالك...بتفكري في مين في خلواتك ...جوه الصلاة....في المواصلات لوحدك!!!!!

و كمان قالولنا ان:

ومن تعلق بغير الله وكله الله الى ما تعلق به وعذبه به(يعنى يكون هو سبب عذابه)

[/size][/size]

منقول بقلم أختنا علو همه
موقع احلى حياة فى طاعة الله

شكرا لك يا صديقي العزيز وبارك الله فيك

شكرا لك صديقى محمود

معك حق

جزاك الله خيرا

جزانا واياكم

» حرر نفسك من العادة السرية
» تخيل نفسك رايح للجنة