" رسالة إلى أختى المنتقبـــــة "

السلام عليكم ورحمة الله وبركاته

دي رسالة لكل أخت منتقبة
وعلى الأخص المغتربات بخصوص
المشاكل الحالية اللي بتمروا بيها في الجامعات

أرجوكِ أرجوكِ عليكِ بالثبات

ده ابتلاء والله ويمكن تكوني إنتي المقصودة بيه

"أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لا يُفْتَنُونَ *
وَلَقَدْ فَتَنَّا الَّذِينَ مِنْ قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ"

إوعي تكوني من الكاذبين

"وَيَوْمَ الْقِيَامَةِ تَرَى الَّذِينَ كَذَبُوا عَلَى اللَّهِ وُجُوهُهُمْ مُسْوَدَّةٌ أَلَيْسَ فِي جَهَنَّمَ مَثْوًى لِلْمُتَكَبِّرِينَ"

إوعي الفتنة تدخل قلبك

إوعي تضعفي

إياكِ إياكِ إياكِ تخلعي نقابك

أيّا كانت الضغوط

والله هو ده اللي هم عايزينه

أوعي تشتري فرج الله بغضبه

وبرده مش هتلاقي حل لأزمتك

يبقى لا منك فزتِ عند ربك ولا حتى فلحتِ ونلتِ تفريج كربك

"أُوْلَئِكَ الَّذِينَ اشْتَرَوْا الضَّلالَةَ بِالْهُدَى
فَمَا رَبِحَتْ تِجَارَتُهُمْ وَمَا كَانُوا مُهْتَدِينَ"

إوعي تستسلمي

لو استسلمتي هتبقى هي دي البداية

اتقِ الله يا أختي

ولا تخلعي عنكِ حجابك

"وَيُنَجِّي اللَّهُ الَّذِينَ اتَّقَوا بِمَفَازَتِهِمْ لا يَمَسُّهُمْ السُّوءُ وَلا هُمْ يَحْزَنُونَ"

عليكِ بالدعاء بالثبات ليكي ولأخواتِك

حتى لو كنتِ تعتقدي إنك ثابتة

مفيش حد بمأمن من الفتنة

عن أنس بن مالك قال: كان رسول الله صلى الله عليه وسلم يكثر أن يقول:

"يا مقلب القلوب ثبت قلبي على دينك"

فقلت : يا رسول الله آمنا بك وبما جئت به ، فهل تخاف علينا ؟

قال : نعم إن القلوب بين إصبعين من أصابع الله يقلبها كيف شاء

الراوي: أنس بن مالك المحدث: الألباني -
المصدر: صحيح الترمذي - الصفحة أو الرقم: 2140
خلاصة الدرجة: صحيح

وبرده مش همل إني أقولك إوعي تخلعي نقابك

ماتضمنيش إيه اللي يصيبك من ربك وقتها

افترضي إنك هممتي بخلعه فأتاكِ أجلك وقتها

تفتكري ده من حسن الخاتمة؟ ولا سوء الخاتمة؟

خايفة على إيه؟

على الكلية والدراسة؟ على الوظيفة؟

على أساس إيه؟

ضمنتي عمرك؟

قال رسول الله صلى الله عليه وسلم:

إن روح القدس نفث في روعي ،

أن نفسا لن تموت حتى تستكمل أجلها ، وتستوعب رزقها ،

فاتقوا الله ، وأجملوا في الطلب ، ولا يحملن أحدكم استبطاء الرزق أن

يطلبه بمعصية الله ،

فإن الله تعالى لا ينال ما عنده إلا بطاعته

الراوي: أبو أمامة الباهلي المحدث: الألباني
- المصدر: صحيح الجامع - الصفحة أو الرقم: 2085
خلاصة الدرجة: صحيح

اثبتي

لازم في الوقت ده تكوني أكثر طاعة وتقرب إلى الله

فإن الله تعالى لا ينال ما عنده إلا بطاعته

محتاجة تفريج كربك اطلبيه من الله بما يرضيه

وحطي في بالك

لو خلعتي نقابك ، ممكن تكوني سبب فتنة أخت تانية وتالتة

تحملي ساعتها وزرك ووزر اللي خلعته بسببك

"لِيَحْمِلُوا أَوْزَارَهُمْ كَامِلَةً يَوْمَ الْقِيَامَةِ
وَمِنْ أَوْزَارِ الَّذِينَ يُضِلُّونَهُمْ بِغَيْرِ عِلْمٍ أَلا سَاءَ مَا يَزِرُونَ"

لو خيروكي بين حجابك وبين دراستك

ولا شغلك اقعدي في البيت

والله ده خير ليكي

وأأمن ليكي

عن عقبة بن عامر قال:

لقيت رسول الله صلى الله عليه وسلم فأخذت بيده ،
فقلت : يا رسول الله ! ما نجاة المؤمن ؟
قال : يا عقبة بن عامر ! أمسك عليك لسانك ، وليسعك بيتك ، وابك على خطيئتك

الراوي: عقبة بن عامر المحدث: يحيى بن معين
- المصدر: تاريخ بغداد - الصفحة أو الرقم: 8/265
خلاصة الدرجة: صحيح

دي محنة وهتعدي بإذن الله

زي أي محنة عدت

بس ياترى مين اللي هتحمد ربنا بعدها

على إنها ثبتت أمام الفتنة دي ولم تفتن؟؟

ومين اللي هتتحسر على إنها خلعت حجابها

وتقول: "يَا حَسْرَتَا عَلَى مَا فَرَّطْتُ فِي جَنْبِ اللَّهِ"

؟؟؟

من موقع الطريق الى الله

السلام عليكم ورحمة الله وبركاته
اكيد لاازم نتمسك فالحجاب والنقاب
بس لوو قارناها مع الدراسة لا طبعااااااا,,,
الحجاب فرض بس النقاب سنة...
لهيك عالبنت تشوف مستقبلها ووظيفتها احسن ....
بوورك فيك

اه عندك حق
بس الشيخ حسان قال ان النقاب فرض فى عصر الفتن
شكرا

العفوووو,,,بس في الجامعات الاسلامية والدول المتطوورة

بصى فى رايين
ان النقاب فرض
وراى اخر انه مش فرض
بس
شكرا

هو فرض في زمن الفتن زي ما يوسف قال
وشكرررررراااااا

شكرا لكم

بارك الله فيك يا يوسف

شكرا محمود
بارك بك وجعلك زخرا للاسلام

» هل تعلم معنى "ولا متخذات أخدان"؟؟, ****من المــــيل****
» اهلا وسهلا بالعضوة الجديدة معنا " أمل "
» رسالة إلى نفســي
» رسالة.. من حراس المسجد الأقصى
» رسالة إلى اصحاب القوائم الإباحية